صباح الطيب يأحلا طيب شفته في شكل إنسان
صباح الملح ياملح الوجيه الناعمه الملسى
ابي منهو عطاك الحق تحرمني من النسيان
وانا من عادتي لامن نويت انسى قدرت انسى
اثر بعض الغلا لازاد عن حده يصير ادمان
مثل ماعمى غلا "صخر" وفراقه اخته " الخنسا "
انا ماودي افارق عيونك وارجع الخسران
وانا مالي بعد مرسي عيونك يالغلا مرسي
علامك كل ماقربت لك خطوة تروح اوطان
علامك كل مالينت لك راسي تصير اقسى
علامك كل ماصحيت عقلي جيت لي نشوان
علامك كل مافتحت عيني جاتك النعسا
علامك كل ماغنيتلك ياطائر الاشجان
تطير ولاتوقعلك على غصن ولاترسى
احبك كثر ماحب العرب زايد بن نهيان
كثر مامر هالقلب بليالي مظلمة وشرسى
احبك كثر ماعاشوا يتاما من كرم سلطان
احبك من هنا للصين لليابان للنمسا
معك بالذات كن الله حرمني نعمة النسيان
اقول اني قدرت انسى وانا مالي امل انسى

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين