والليالي لو نراها مستقره

لـ ، ، في الحكمه والنصح، آخر تحديث :

الزمن دوار والاعمارمره
والليالي ماخذت صعب ترده

من عطاك المر عطه الفين مره
ومن يودك بادله بأحلى الموده

ومن يجنب عنك حذرا لاتضره
والحبل لاتهمله ولاتشده

واعرف اللي من مواجيبك تبره
شد حيلك ياطويل العمر شده

واعرف الدنيا على كره وفره
والليالي كل يوم مستجده

وادع من يعلم ويسمع صوت ذره
ومد حبلك في رجا المعبود مده

مابقت دنيا الفنا سره وقره
وين جدك وابو جدك وين جده

رتيبان مقعد السبيعي
مرحبا ياشاعرٍ صوته يجرّه

والكلام الزين بالحكمه يعدّه
له تحيه توصله حتى مقرّه

بالبخور المنتخب عوده وندّه
غاص في علم الشعر بحره وبرّه

لين عرف من البحر جزره ومدّه
والليالي لونراها مستقرّه

ينقلب صافي حلاوتها بضدّه
من حسب للعاقبه لله درّه

في لقاء مولاه نفسه مستعدّه
ماشتكى مخلوق من كيده وشرّه

حافظٍ دينه ولاينباح وسدّه
واصلٍ لاعند سابع جار برّه

ماشهرسيفه على مسلم وحدّه
حسن عامر آل عيسى


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر