المرجلة

المرجلة تبذر بوقت الرضاعة
والتجربة للشخص تعطيك برهان

لو تصحب الرجّال تعرف طباعه
اتذمّه اوّ اتقول والنعم بفلان

بعض البشر تلقاه راس الشجاعة
عند الشدايد له مع المرجلة شان

وبعض البشر "يا خسّها من بضاعة"
لاحزّت لزوماتنا فيه .. خوّان

دنيا تعلمّنا دروب السناعه
ما كلّ من نادوه ذيبان ذيبان

ذيبن يعاوي ساعة ، يصدّ ساعة
وذيبن على صيد الجزيلات فنّان

وذيبن تقوّى له بربع وجماعة
لوهو وحيد، تصيده شلوق غِربان

وذيبن على غالينه يطول باعه
هذا الذي والله خسران خسران

المرجلة .. ماهب هياط ولكاعة
المرجلة .. لاصرت ابحق إنسان

لحظة شهامة ماتجي بالشفاعة
إحساس من قلبن على الناس شفقان

لاقيل تكفى، قال سمعن وطاعه !
دايم على وقفاته بدرب الإحسان