من زود ماهي نادره بالتوصيف
ما توفي ابيات القصايد وصوفه
الجادل الي مثله ما بعد شيف
ما به امل بالكون مثله نشوفه
ما كنه الا من علت بالمشاريف
شيهانتن عوق الخريشه وقوفه
وساعٍ عيونه ورموش المعاكيف
والخد براق ن تزايد كشووفه
وضحكة ثغرها والشفايا مواليف
تنسى المهموم همن يلووفه
والعنق دربٍ مبعدٍ بالمناكيف
ماهو بعنق الي قريبٍ نكوفه
فيها الدلع والزين ماله تصانيف
كن الجمال اليوسفي في كفوفه
هييه ورزه في عيون الملاقيف
وطفله ودلوعه بعيني عطوفه
فيه شموخ العاديات المصانيف
الي من صنوف الاصايل صنوفه
قلبي لها عن كل هم و تخاويف
ودرع و ذراء عن كل شي يحوفه
لأجله احد معجزات المعاطيف
وعطف صعابٍ مرضت بالعطوفه
لوحالت الايام دونه مضاريف
ما تمنع الحب الحقيقي ظروفه
حبي لها حبٍ يفوق التعاريف
واكثر من ابيات القصيد وحروفه
غلاه في قلبي تعدا المناصيف
والشوق لمن زاد يرسم طيوفه
على العهد والود نبقى مواليف
و غيره بعين الحب ماله ملوفه
ابقى على حبه وزيد التحاليف
غيره ورب الكون قلبي يعووفه
هو الوحيد الي فداه التكاليف
وتفداه روحن له تحن وتطوفه
احبها بحساس مبعد عن الزيف
يومن بعض الحب زيد زيوفه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين