السفر ممنوع

بدون شعور مدري وين رايح والسفر ممنوع
واشوف ازوال من حولي.. وشبه اشكال مطموسه

ويسري بي سواد الدرب لاخر صدري المفجوع
ولا.. اسمع! غير صرخه من بقايا انفاس محبوسه

احاول ياسما حلمي اصب الغيث ل ارض الجوع
واثِرْها بور قبل الغيث يسقي عرق فيروسه

عليك الله تعٌذّرني ياصدري...! (م انتهى) الموضوع
ولا.. سلمت سكيني.. ولا.. راسي.. وناموسه

ولا.. جيت اتِسَلف صبر من عزم الرجا المقطوع
ولا.. تسمح مداين عزتي ب اعلام منكوسه

اصيح لخطوتي لن التراجع.. عندنا مقروع
عسى ربي يسامح شايب ٍ حفظني دروسه

مفلح الثبيتي