نطاحة الكايد

لـ ناصر الجابر، ، في الحكمه والنصح، آخر تحديث

نطاحة الكايد - ناصر الجابر

دنياك ياابن ادم لها في وظلال
ولابدبه شمس وسموم ولهايب

لاترتكي فيها على العم والخال
ارتك على معطي العطا والوهايب

الواحد المنزل من المزن همال
من كل رايح ناشيتبه سحايب

جدك وأبوك بوقتهم عاشوا الحال
عسره ويسره مااقضبوا من قضايب

وارع الوحيد اللي بلاعون ورجال
كنه بسوق البيع مثل الجلايب

اغنم من الدنيا ولو ربع فنجال
وباقي البقايا خلها للذهايب

لاتصير سلعه بين شاري ودلال
الحر مايسكن جحور وخرايب

له ماكر عالي على راس ماطال
وشعاد لو تصفق عليه الهبايب

لوحدك الوقت الردي فأنت رجال
درب الفضا من فوق عوص النجايب

والرزق عند الله بوزن ومكيال
ماهو بمعط ولايجي بالنهايب

راحوبها الشيخان لباسة الشال
نطاحة الكايد نهار الحرايب

ولازمنك اليوم مافيه خيال
كل تريح وابعدن الطلايب

لكن ترى فيها مجانين وهبّال
ولاهي خليه من سليم ٍ وعايب

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر