مرثية

لـ الحسن العسيري، ، في الرثاء

مرثية - الحسن العسيري

مرحوم ياللي صرت في قماش مكفون
مرحوم يا (( عم ٍ )) عزيز ٍ وغالي

عدة حجيج البيت واللي يطوفون
وأعداد ما تذرى الحجر والرمالي

عد الشجر وأعداد ماهلت مزون
وأعداد ما لاحت بروق الشمالي

عد النجوم اللي بفضاء الكون يضوون
يرحمك رب ٍ فوق سبع ٍ عَوالي

ياآللة ياللي عالي ٍ في سماء الكون
ترحم لنا (( عم ٍ )) من الناس غالي

أرحم عزيز ٍ له صغار ٍ يبكون
الطيب اللي ما مشى في الظَلالي

يوم العرب جونا لبيته يعزون
بيت ٍ تلحف في ثياب الليالي

بيتٍ ذبل لونه ولا عاد به لون
ترثى عليه النايفات الجبالي

عصرية الإثنين .. سحب ٍ يهلون
شالوه جثمان ٍ من الروح خالي

وعند القبر حطوه وقاموا يصلون
صلاة ميُت دنيته للزوالي

ثم هللوا والصمت خيم على الكون
ونزلوه بوسط حفره قبالي

وجابوا ثلاث لحود فوقه يحطون
وبلبنت ٍ سدوا فرجه الطوالي

أنا أشهد إنه مات بس كيف وش لون
صورته يا عالم تفارق خيالي

أخير (( عم ٍ )) صار بالقبر مدفون
قلت .. البقاء في روس ( تسعة ) رجالي

ياآللة يا عالم بما الناس يخفون
تغسل خطياته بماء ٍ زلالي

وتنَيله باللي عبادك ينالون
جنات عدن ٍ مع ( علي .. وبلالي )

مر ثية في عميد عائلة /عبدة بن أحمد : فقيدنا الغالي / هادي بن عبدة الدرهمي غفر اللة له
© 2024 - موقع الشعر