ياخوي طاح الوقت

لـ ، ، في الغزل والوصف، آخر تحديث :

ياخوي طاح الوقت من وسط عيني
وطال الشتا في صدري...  وموت الاوراق
ياخوي  لاتنشدني ان غبت ويني
اخاف تفضحني مراسيل الاحداق
اشيا كثيره داخلي فاقديني
وَاشيا كثيره حملها صعب ينطاق
مليت اسولف للورق عن حنيني
حتى حنيني مل من صمت الاوراق
كن الشقا  منحوت.. ب اعلى جبيني
وكني الوحيد اللي ورث جمر الاشواق
ياكثر ما.. كفنت حلم بيميني
وياكثر ماللحزن راعد وبراق
مدري من اللي داخلي عاذريني
ومدري من اللي يستحقون الاعماق
اخذت حكمه... من اصابع يديني
والوقت مايمشي علي كيف( م اشتاق)
صحيح واقف ما انحنى شي فيني
لكن وقفة  طود... في صدره انفاق
هذي دموعي  واقفه تحتريني
افتح لها  باب الوجع  لاجل تنساق
اسف ياعيني واعتذر سامحيني
اخاف من طيحة جمل... والف بواق
واسف ياخوي ان قلت محتار ويني
ومليون اسف كل ما دوزن افراق
مفلح الثبيتي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين