والله كثيرة

شفني عطيتك من دفا قلبي عمر
وانت الذي من قسوتك ما تحاييت

خليتني ياصاحبي قصة هجر
لاني بحيٍّ في رجاكم ولا مِيت

والا الجبر في هالزمن مامن جبر
محدن درا بك وين ما رحت أو جيت

ألي على دافي البقا ملّ الصبر
والي على فرقاك مافكّر اب ليت

يعني ولوتسمح ولا لك أي أمر
اجرح وامسح دمعتي لامن ابكيت

قسوة تعامل فوقها قسوة نظر
والله كثيرة تجتمع لا تباليت

الله يجبر هالكسر وايا الكسر
ويلملم جروح الذي بدمعه يبيت

غصّت حروفي والمعاني تنتحر
لا صار قلب اللي قسا بك هو (البيت)