الـمـشـفـى

لـ حاتم منصور، ، في الغزل والوصف، 44، آخر تحديث

الـمـشـفـى - حاتم منصور

هلا باللي مخاويني على المشفى ابي الكورنيش
هلا يا ناشد ٍ عني و عن اللي جابني المشفى

لا و الله يا بعد راسي ماني ضاري على التلطيش
لحاله هالزمن كافي ترك لي حالة المُعفى

لك الله من هذاك اليوم و انا مدري علامي ليش
جهاتي الاربعه صوبه تسوق اقدامنا زُلفى

لا تنشدني عن اوصافه و جماله هو بعد قديش
انا اشهد زيّنه ربي و صاير للحلى مرفى

اخذ مني ثلاث اشياء و انا من غيرها درويش
اخذها غصب بالقوه اخذها و ليته ما قفى

اخذ مني كثير احلام و باحلامي اعيش الطيش
اخذ احساسي بغيري اخذه و حطه بمنفى

اخذ حاجه يا ابو عاطف نتف منها كثير الريش
اخذ مني صفى ذهني و خلاني مآ اعرف اصفى

تخيل وجهه الساحر ما تلقى شي للتهميش
تخيل نظرة عيونه يا ويلي من الحلى وطفى

تخيل كنّه المسلم لحاله مع طغاة قريش
لحاله نوره القايد . . و غيره نورهم طفى

ابختم قافي يا مسلم حلاها قافل ٍ بالشيش
و اقول الله يهنيها . . . و هذي قصة المشفى

مناسبة القصيدة

رد على قصيدة الشاعر سليمان خليفه الميهوبي البلوي
© 2024 - موقع الشعر