عاقل جدا

يا كيف باللي يشغل القلب و يروح
كيف العمل من بعد ما مر ثم راح

من حين شفته ريّح العقل و الروح
و انا الحقيقه شفت زوله و مرتاح

فيه الجمال الطاخم لكل مملوح
بشوفته بشرى مشاريف الارباح

الطيب بلثامه يحرض على البوح
يا زين طيبه من حلاته . . و فواح

الخصر غُرْم و باقي الجسم ممدوح
صحيح اسامي شلة ٍ مثل الاشباح

لكن تخيل كل ما فيها . . . بحبوح
اخاف اكمل . . و انتهيها ب الافصاح

صحيت و الدكتور يزهم يا مجروح
يا حاتم الموعد . . و انا اليوم جراح

عز الله اني عاقل ٍ . . ماني مشفوح
لكن خيالي فيه موال . . . سواح