اللي خذت قلب المولع سبيه - حمد الحربي

اللي خذت قلب المولع سبيه
قولوا لها ربي وربَّه عطاها

عطيةٍ ما من وراها جزيه
ان جابها والا عسى انه فداها

ماني من اللي يسترد العطيه
جريمةٍ في سلمنا ما كماها

الله عطاها مانويته هديه
لكن قسمه من وليَّه وجاها

ماردته قشر النوايب عليه
ونار المحبه مايهيبه سناها

قلبٍ تهقوى بالمحبه جنيه
وكل البلاوي من وراها جناها

غدا لي القلب المولع بليه
بليةٍ مني وليه بلاها

ولا لها غنى لحونٍ شذيه
وبكل بحرٍ عايمٍ في هواها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر