الخافق المليان - علي بن نهايه

اسمع حبيبي اذا عندك
ذرة من إحساس الانساني
علك تعرف اني الأول
في قلبكم ماني الثاني
واعلم معاناتكم تبقى
طول الليالي والا زماني
لاشك هذي معاناتي
لابد تبقى وتبلاني
اطلقتها لك مع الابيات
واسهرت بغيابك اعياني
شي من الخافق المليان
أن كان ربي له امداني
اترجم الحزن مهما كان
وانزف من الجرح شرياني
ادميت قلبي وهملته
من عقب ماجالكم عاني
انا أشهد انك ذبحتيني
من قبل ربي يتوفاني
انت السبب باللذي حاصل
دامك تحاول تناساني
الحزن بيت بناه الجرح
مفتاح بيبانه احزاني
خذيت من خافقي الفرح
واعطبت الأشواق من ثاني
ماكنها أشواق شاعرها
اللي تجر أعذب الحاني
اليوم كنها تجي صدفة
مكتوبة وسط ديواني
حسبي عليك اللذي خلاك
تبعد وتجرح .. وتجزاني
بالصد عقب السنين اللي
خاويتك أكثر من إخواني
© 2024 - موقع الشعر