( لاتخليني )
كانك نويت الترحّل لاتخليني..

من لي ليا شدّت ضعونك وقفيتو؟
من لي ليا سال دمعي من حجر عيني

وانا اوادع مواتركم ومريتو!
ياجرح جرح الفواد اللي مشقّيني

لامن مسك جمسكم دربه ولفيتو!
ماترحمو علةٍ وسط الشراييني

ماكن لكم عاشقٍ بالدار بكيتو
وقت المغيب الذي بالدوم يبكيني

لا يالغوالي بحالي ويش سويتو؟!
ازعج لكم صوت قلبي يالمحبيني

وياليت من دم قلبي لو تقهويتو!
لي قلبٍ اقفى معاكم مايدانيني

ما عافكم لونكم منّه تبريتو!
تكفون تكفون امشو بالثمانيني!

وياطيبكم لوّ عنها زود هديتو!
تكفون معكم حبيبي بعمر عشريني!!

والله ماحلّكم لو ان توفيتو!!!!
وان ماحصل وصل منكم باقرب سنيني..

فالبال مرتاح (كان انتم تعافيتو) !!!
ساير الرماحي..


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر