ياونتي في راس رجم بديته
ونت مريض ماشفوه الطبايبي
أو ونت الرملا إلى قل حيلها
وليدها رزو عليه النصايبي
ادموع عيني مثل قاطور شنه
لاكثروا فيها الرقع والهدايبي
في عين دار والمعرفه قليله
مع نشاما دلهوا كل غايبي
تجمعوا الكل منهم من قبيله
كسب المراجل بينهم بالغصايبي
بوصي الظفران في حشمة الخوي
في الشغل ولا فوق كور النجايبي
من عقب ذا ياراكب فوق حايل
مانوخوها للجمال الضرايبي
أشتر ذنبها لمعاقل فخوذها
مثل المريسل فوق شقر الذوايبي
جليلة العثنون والراس كنها
مشتخته في بيت راعي الكتايبي
كنها هنوف نهار العيد سيرت
تبغا تعايد ربعها والقرايبي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.