مرثيه في سعد بن سالم بن قطام - سالم بن جخير العرجاني

يقولون وجهك وش علامه من الارهاق ؟
وانا اقول ماهي لحية الوجه وارهاقه

علي الطلاق اني من الحزن صدري ضاق
وعيني على خالي من الدمع دفاقه

ويقولون من بعد التجمع يصير افراق
وانا اقول بعض الناس يوجعني افراقه

فلا شك كل الخلق في دبرة الخلاّق
ولاحق للمخلوق عصيان خلاقه

عسى الله يرحم راعي الخُلق والاخلاق
نشا ثم رحل واخلاقه اخلاقه اخلاقه

ايا خالي اللي بالوفا دايما سباق
يمينه لدرب الطيب خطلا وسباقه

وايا خالي اللي كل مانِشْفت الارياق
شجاعٍ يحب الموت ويعْشقه عشاقه

رحل والعزى انه ساكنٍٍ داخل الاعماق
مكانه مكانه داخل القلب واعماقه

اعزي على (عويضه )واعزي على (خفّاق )
واعزي عليه العود لازادو احراقه

واعزّي عليه الخيل والهيل والبّراق
واعزّي عليه الليل والصبح واشراقه

واعزّي عليه السيف والرمح والاوراق
واعزّي عليه الحبر لاعانق اوراقه

فيالله يالمعبود ياكافل الارزاق
عليك الرجا ياكافل العبد وارزاقه

عساه الجنان البارده واطول الاعناق
وعسى المزن تنبت فوق قبره مية باقه

وعسى الله يصبرنا لو الصبر ماينطاق
وعسى الله يجعل للصبر عندنا طاقه

© 2024 - موقع الشعر