بدهان والموت المهيب00 - سالم الرمالي

بعض العرب يموت محد(ن) درابه
ان مات عادي ون حيى شخص عادي

محدن نقل همه ولاحدن شقابه
وش عاد لو يلبس عليه السوادي

وبعض العرب يامات موته مهابه
وتالبس عليه المترفات الحدادي

وتبقى علومه بيننا ينحكابه
وتقصرعن علومه علومه علوم السرادي

مرحوم ياللي نوختبه اركابه
بالجوف حول يم حتفه يقادي

والعصر في جبة تلحف ترابه
دارن حضنها بالجسدوالايادي

وضلع ام سلمان(ن)بكت لك هضابه
بسمك جبل جبه بصوته ينادي

وحكم القضاءماينجزع من مصابه
ولايجزع بحكم القضا كود غادي

والموت واحد والمنايا تشابه
بسيف والافوق لين الوسادي

ويالله ترحم من بكينا ذهابه
بجلال ملكك ياولي العبادي

بجاهك وجاه المصطفى والصحابه
وايات عمى والمعارج وصادي

تجعل لبدهان الرمالي اجابه
ساعة طلب عفوك نهار القوادي

© 2023 - موقع الشعر