أمانة ما استحى قلبك ؟ - خالد علي الكثيري

أمانة ما استحى قلبك؟ على كثر الذي غابه
يجي في يوم يسألني : حبيبي وينها أيامك
 
أنا لا طوّل غيابك من الخذلان ارضا به
واقول ان القدر ساقك وساق البعد قدامك
 
حبيبي اشغلوك الناس كل الناس كذابه
ولكنّ البريق احيان يتماشى مع اوهامك
 
وياما قد نصحتك بس خبري بك وما تابه
قوي الراس والظاهر تروق بكثرة آلامك
 
واذا مشغول ميخالف ترا الأيام غلاّبة
تجيبك حاجتك اصحى ترا مانيب بأحلامك
 
ترا وصل المصالح انتهى قفّلت أبوابه
اذا ودك غلا حيّاك , والا الباب قدامك !
© 2024 - موقع الشعر