الفتنه

شبوبي الفتنه خدوش الرجاجيل
وحطوا علومن .في ماهي .باليه

ويوزعون الهرج باليوم والليل
ولي.سمعهم صارمعهم عليه

مدري وش اللي وزعوا .بالقاويل
ومدري وش اللي قيل بالهرج فيه

بس ان مابدتلي رموع و.تحاليل
والله علام .الامورالخفيه

ان الا.مر وراه خدعه وتظليل
يظلل اللي لسوالف ضحيه

وانا بلشت بجيل هالجيل والجيل
أقوى من الجهال والجاهليه

ناسآ على. الفتنه تجر .المواويل
وتفتح لها في كل ديره.قضيه

وافعالهم. افعال ناسآ مهابيل
وهروجهم  هروج ناسآ قويه

اصغر خطا .يقدمونه .محابيل
لوبدل الحسنه عليهم باسئيه

واوصافهم تشوف منها  التهاويل
يمسي خوي وصبح يغدر خويه

وقت الرخا رجال(ن) شيوخ وحلاحيل
وتشيخم بالمال والعنصريه

وتشيخم بالخيل وربوت الخيل
من عقب. ماهو عند .اهلها رعيه

ووسط النجم معروفن الجدي وسهيل
نجمن ماغاب و الاطلع نجم  زيه

ولبعد عنهم راحتن بالتعاليل
والقرب منهم علتن باطنيه

خذ التجارب. في سطور التماثيل
مجرب الدنيا بروحه وجيه

اللي من اقرب. ناس ذاق البهاذيل
وجاه الخطا من دون ذنب و خطيه

وعاش العمر في جاير الوقت والميل
في كل عام(ن).وهو. بوضاع سئيه

ويحط بالدنيا من الهم .و.يشيل
ما.يفارقه .همه صباح وعشيه

تفجرت و.ديان همه من السيل
ومصدر سيول همومه ابيوت حيه

وبيتآ لو بوسطه تصف ..المعاميل
و تقول عن راعيه  الاوهينيه

لاتغرك دلاله وصف الفناجيل
يمكن تعوذ منه من داخليه

وبيتآ دالاله صف للبن.والهيل
ومنزهن عن العلوم الرديه

ولاهل المراجل والكرامه مداهيل
ومافيه للانذال بيع وشريه

ولا لقوبه لنمايم مداخيل
ولاحصلوبه.مالفوله بنيه

وبيتن لابله مجمعن للمخابيل
يمنعك شوف مجمعه عن مجيه

مدهل مزيفت الحكي للمحاصيل
وخدام له للمصلحه والعطيه

اهل النفوس الخادمات المذاليل
لوهو على افعال(ن)تجيب الزريه