هلّت بشاير صاحبي كنها لي
وفي كل بشرا منّها شي غالي
و أغلا بشاره قالها جاه مولود
عساه له يُحفظ و يرقا المعالي
وأصبح سميٍ لي وسماه ماجد
وانا بعد تسمايته سقت مالي
وجميع ما يحتاج وأغلا تمايم
وما يقبل الموضوع زود الجدالي
لكن .. هداه الله سبّق و حَرّم
وقال الثلاث ان كان ياخذ ريالي
وتسمايته تشريف ماهي تكاليف
وتسمايته عِشره لها الراس عالي
و كبّل يديني جعل عمره تباشير
و مثّل صداقتنا بخير المثالي
سلامه الطرقي زبون المعاسير
مطنوخ ابن مطنوخ كفو الثقالي
غمرني بطيبه وهو صاحب الطيب
غمرني بأوّل زماني و تالي
حي الصحيب اللي يسمي صحيبه
وحي المعزه بالسنين الطوالي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.