محاوره أبو مشاري وعيسى المحبي ومحمد المحبي - عيسى المحبي

بدع أبو مشاري:
يالله ثبتنا على الدين والملة

انحن اللي لوجفى الناس مانجفى
ان نسينا من غثى الوقت اسامينا

مانسينا رفقة الناس الاجوادي
.....

الرد:عيسى المحبي:
مرحباوالكفو شرواك ما أمله

وإن وردنا الماء شربنا ولا نجفى
جيب أ بو تركي وخذلك وسامينا

بس لا ياجي معه سيف وجوادي
.......

البدع محمد المحبي:
نبتدي الاقوال بالله وبسم الله

ياسلامي من فؤادٍ لكم يصفى
يارجالٍ فالمواقف ميامينا

م التهم والحز والصدر وبوادي
......

الرد: عيسى المحبي:
مرحبا ياللي نناديه باسم(ن) له

المحبي واضح الأسم والوصفا
ما مشى إلا فالدروب الميامينا

وكل علم(ن) له نهايات وبوادي
........

البدع: أبو مشاري
ياهلا والناس يا اخوان يا خلة

ان بغى محمد يجي قمة المشفى
مايرى الا هاوية وبيرا عدنا

وان بغى درب السهالة ترى عادي
.......

الرد:عيسى المحبي:
خذ وبق وشي ما يعجبك خله

إنتهى وقت المخاريص والمشفى
لو فرعنا بينكم ما تراعدنا

واعتقد ما جاء لاحدكم تراعادي
.........

البدع: محمد المحبي:
كل علمٍ غانمٍ فيك وانحن له

وابوتركي دايما ثابت الوقفا
ارسم الدرب السوي وانت قايدنا

انا توي بعد فالعلم ورادي
.........

الرد عيسى المحبي:
وأش هو الموضوع بالضبط ونحله؟

صاحبك ما يرخصك لو زعل واقفا
ما بنكثرنصحنا وانتقايدنا

والا نعلن ف التلفزون والرادي
.......

البدع أبو مشاري:
مالك الا شاذلية وبن دلة

يا الذي وارد وجانا مشي يخفى
ابن عامر ضدنا ان كان فارعنا

واعتقد ما يمنع الجيد ان جادي
.........

الرد:عيسى المحبي:
دوروا درب السلامه وبندله

حنا في عصر التقدم ماشي يخفى
الله الله كم فزعنا وفارعنا

كني الا فرقة انقاذ وانجادي
.........

البدع: محمد المحبي:
والله ان كيف الاجاويد ما كله

الوجار بشق الاجواد ما يطفى
وابن عامر اب يجاوب مراسلنا

مايقصر لاسمع صوت ومنادي
.........

الرد:عيسى المحبي:
فكري إن البحر مالح وماء كله

وأثر تحت البحر عالم وما يطفى
لو ندور قبل نبحر مراس لنا

مافي الغبه مقاهي ولا منادي
..........

البدع: أبو مشاري:
خذت فرة فالبلد قمت ارى علة

وش لنا في معرفة عطف من صرفا
الخواتم والقلد والرواحينا

ماوراها الا النشايب ووقيادي
........

الرد: عيسى المحبي:
البلد له من يديره وراع(ن) له

يالله ديم الخير والشر منصرفا
أحذروا في وردكم والرواحينا 

وأنت لك خبره ولك علم وقيادي
.......

البدع: محمد المحبي:
كم بدينا من فيافي ومن قله

والقدم والساق لساع ماتلفى
لكن الاعمار تفنا وماضينا

امس حلالين والغد شدادي
.........

الرد: عيسى المحبي:
لاتصد ق بعض الأخبار من قله

ذايقول الفين طاحوا ومات الفا
دونوا في صفحة المجد ماضينا

من زمان الغافقي وابن شدادي
.........

البدع: أبو مشاري
ازهموا الهيئة المحرمات محتلة

تنكر المنكر وبتشيد معروفا
الذي عن منهج الخير معشينا

بيتلقى يا مشاريه يا انقادي
........

الرد: عيسى المحبي:
العرب لاهين والقدس محتله

يكثرون الهرج والفعل معروفا
والعمل مخلوطن الزين مع شينا

لين صار الزين للشين ينقادي
......

البدع: محمد المحبي
ودي اوصل شي ولكن مااوصل له

مايصله غير نشطان ونحيفا
والاناس(ن)فالرياضه معادينا

ماشكومن ضيم حنجر وبغدادي
.....

الرد عيسى المحبي:
مفتي الثوره يقول إن موصل له

يعلن من طهران ويقول من حيفا
والنتيجه خسر دنيا مع دينا

لا عنب صنعا ولاتمر بغدادي
.......

البدع: أبو مشاري:
الله الله من اغاني ومن شلة

المغني حنجره ماشكا نشفى
لاتجيب اعلوم ماهي حوالينا

جاوب اللي بالمحاريف لك بادي
......

الرد عيسى المحبي:
شلة الحوثي وعفاش من شله

لونصدقهم مرضنا ولا نشفى
ابلشونا العورقبل الحوالينا

يفقعون القلب وتلوع الاكبادي
.......

البدع: محمد المحبي
ام انا فالشمس ماعندي امظله

م الحراره هاتفي ما عد ايهتفا
وانت تسمع من نشيد المغانينا

وانا اقل يالله هدايتك ياهادي
.........

الرد:عيسى المحبي:
المجوسيين أهل شر ومظله

واخلفوا عومان بالغمز والهتفا
غيرعن فزعتهم الله مغانينا

وأنت شكلك بين نارين ياهادي
.........

البدع: أبومشاري
ما لعبنا قفز ولا كرة سلة

يامحمد تحت ظل الشجر تُكفى
الذي في رحلته ما يسى لينا

طاح في خطٍ ملغم و جلادي
.......

الرد: عيسى المحبي:
أما أنا ماأشهرت سيفن ولاسله

غيرماباقل لمن يعتدي تكفى
ودنا بالشعرمزح ويسلينا

بيننا مافيه حاكم وجلادي
.........

البدع: محمد المحبي
مامعي غلات واقسم الغله

قبل اوكد علم والا لعلم انفى
يامجابه ماذهبنا ولا جينا

وانت تنقد في دراهمك نقادي
........

الرد:عيسى المحبي:
أه ياقلبي من القهر والغله

الزعل والغيض واصل لراس أنفا
ليش صرنا كننا أسرى ولاجينا؟

اكفنا يارب من كل نقادي
© 2024 - موقع الشعر