بعض المصايب - خالد علي الكثيري

بعض المصايب لو تقدَّر تصيبك
شدّت عزومك وبسببها اتعلّم
 
وبعض المصايب من بعيد وتريبك
وان صابتك زين ان قدرت اتكلّم
 
وبعض المصايب ماتجي بس تجيبك
وان جابتك حاول عساك اتبسمّ
 
وأكبر مصيبة لا بدت من قريبك
هذا الذي قلبي عليه يتألّم
 
يتغافلك رحم(ن) ويبدا بطيبك
والقرصة اللي من قريبك بها (سمّ) !!
 
ياخاطري شابت علومي بشيبك
حتى الكلام ان قمت اقوله تلعثم
 
العيب ياقلبي ترا موب عيبك
والجرح ماله بعد ماصار .. يلتم
 
هذي جروحي لايجيها طبيبك
أحيان افضل للجروح التندم
 
يالله يالعالم تراني طليبك
تسعد حياتي يا ءالهي وترحم
© 2024 - موقع الشعر