الحسينيه

ما كل شي ان الاوادم تقبله
------ والروح تبلى والأوادم تبتلي

للهم في صدري مكان ومنزله
------ يالله ترحمني ولا تغضب علي

وين انت ياحلم السنين المقبله
------ ماعاد في صدري مكانٍ لزعلي

اسمع كلامي وانتبه لا تجهله
------ الحب لك وانت الحبيب الأولي

احبك بكل السنن والأمثله
------ والمذهبين الشافعي والحنبلي

يا فلتت عيون الغلا ومدلله
------ اسلم وسلم لي على القلب الخلي

انا ثلاث شهور عندي مشكله
------ يذوب قلبي بالفراق ويصطلي

تعال نبحث في بنود المسأله
------ وارتاح.. فكرك لا يغيض ويمتلي

واحد!! كذا قبلك يبيني ما اسئله
------ مير الله الوالي ولا غيره ولي

زرعت حبك سنبله في سنبله
------ حتى غدى غصن الغلا بك مايلي

ولا جنيت إلا السنين الممحله
------ يمرني شهب الغمام وينجلي

ياهوووووه ياكل العنايه من هله
------ تراك قطعٌت الرجا بي من هلي

اسرفت في قلبٍ حنانك مدهله
------ لامنك ثنيت القوام الممتلي

وشلون..؟ تتركني وانا كلي وله
------ وشلون..؟ حتى الصوت تبخل به علي

إلا..؟ إذا به شي خافي وأجهله!!
------ معذور .. واسمع من حبيبك ما يلي,,,

انه يحبك حبه لمستقبله
------ محبة الشيعه لسيدنا علي