لاغبت عن عيني عرفت ان الزمن فينا يدور - خالد بن جبهان

كتبت فيك الود من صدق المشاعر و الضمير
لو لا الغلا والشوق مابينت لك نبض الشعور

في وقت ماعاش الغني الا على احساب الفقير
واكثر قلوب الوقت صارت ميته مثل القبور

انا بينت لك الغلا بالقلب وادري وش يصير
بكبر بعينك واكسبك وانته على الطيب مخبور

تبقى لي الاول وعلمتك تبا تبقى الاخير
لك في ظلام البعد والايام في قلبي حضور

تصغر مشاريه المفارق والوصل قدره كبير
انا على سلم الوفا وابقى على وصلك جسور

تدري متى تسمح ضروف الوقت والدنيا بخير
لاصرت قدامي تزيح الضيق وتزين الامور

وتدري وش اكبر هم واكره حالتي واحس غير
لاغبت عن عيني عرفت ان الزمن فينا يدور

وتدري متى تتعبني الافكار واقدامي تحير
لا جيت في ذاك المكان اللي من العام مهجور

اضيع في دنيا الوله واشتاق لا ايامك واغير
واللي جرحني خابرك ما انته على الصده صبور

حتي مكانك ينتظر طلت صباحك من اعصير
تاقف به اقدامي وفا ما اجيه في دربي عبور

ثلجت من برد الوله والصبر في صدري هجير
مابين نفحات الغرام اهيم واحساسي يثور

فيني من الامال والاحلام والشي الكثير
لو قصرت فيني ظروف الوقت ماجيت بقصور

انا على الضيقات والاحساس بالوقت العسير
ياوسع صدري بالزمان اللي تضيق ابه الصدور

© 2024 - موقع الشعر