العوامر

لـ ضيف الله العامري، ، في غير مُحدد، آخر تحديث

العوامر - ضيف الله العامري

ياالله اني طالبك ياربنا تهدينا
يالكريم الي عبادك لتقى تهديها

بعدهاعن ربعنا الغالين ماصدينا
لو طلبها في دمي كبودنا نعطيها

يارموز المجد والامداح يالوافينا
يالعوامر ياهل الطولات من ماضيها

العوامر بيت عز وبيت جود ودينا
العوامر من كرمها ماحد ايجاريها

نفترح بالضيف لامنه قدم لافينا
كنه اقدوم المطر لارضاً سناء يحييها

العوامر من دهاها مستحيل تلينا
بسم طنخات الرجال انوب واسميها

كلها التسع التواسع ربعنا الغالينا
والله اني دونها ثم دونها وافديها

والله اني سيفها البتار ابو حدينا
واني الجم من عذلها فالقفاء وحميها

واتغناء بسمها من حينن الى حينا
وارفع الرايه لها بين البشر وابديها

العوامر تاج راسي وسمها يغنينا
من مواقفها النبيله منتشر طاريها

يارموز المجد في وقت القسى والينا
ياملبيت الطلب للي تعزوا فيها

لابتدا البندق يثور ونادو امنادينا
حن ملقنت الخصوم ادروس ذا يكفيها

وحن هل السيف الحدب وبنادقاً فيدينا
نشبع البندق لحم وسيوفنا نرويها

لابدا وقت الله الله نحتمي وادينا
بشهب البارود وعيون العداء نعميها

حقنا ماينطمع ياكل طامع فينا
الخصوم نيهنها وكبودها ندميها

وشيخنا الي بين وقفات الشيوخ يبينا
كنه الضلع المنيف بظله إيفييها

نسل بن شاكر وبن شاكر طويل ايمينا
به طناخة راس وشيوخ العرب ترويها

بالمراجل والطناخه جدنا موصينا
ومن وصية جدنا لعيالنا نوصيها

والقبايل كلهم ونعم وحق علينا
نعترف بفعالها الجزالات مانخفبها

البعيد من القبايل والقريب احوالينا
الله ان يستر عليها والله ان يبقيها

والصلاه على محمد عدما صلينا
وعد حبات الرمال المستحيل احصيها

© 2024 - موقع الشعر