لا تملّ من الكلام - جديد

لا تملّ من الكلام انت ماشفت اشتياقي
... كثر ما أسأل عليك , لا تأخرها الإجابة
 
هو صحيح الإحترام في العلاقة شي راقي
... بس انا فيني وله , واصل لحدّ الصبابة
 
شوفني كلّي اهتمام ما التفت لإحتراقي
... بادل الشوق الندي , واقبل الحب وعتابه
 
القلوب وماتنام من لظا حرّ التلاقي
... وانت قد نمت ونسيت الغلا مفتوح بابه
 
ليتك تشوف الهيام وش يسوي في وثاقي
... ليتك تشوف انتظاري لا كواني بإلتهابه
 
مايكفّيني "تمام" خلهّا علومك سواقي
... مايداويني "هلا" لاتحاوتها الرتابة
 
ودي بقصة غرام في نهايتها عناقي
... ودي بلحظة غلا , ماتجاريها الكتابة
 
أو على الدنيا السلام مابها أحدن وباقي
... هي علاقتنا ترى من بدايتها غرابة