احلميني في منامك واحضنيني

احلميني في منامك واحضنيني
……….. أو أنا بحلمْك وانا اللي بضمّك
 
وان بغا حلْمك يخلّص غمّضيني
……….. بسكن بعينك واجاور حلو ثمّك
 
ثم إبكي أو تباكي .. وادمعيني
……. لجل أجري في وسط خدّك واشمّك
 
وان تضايقتي وودك تمسحيني
……….. امسحيني ابطرف شالك وكمّك
 
يعني ودي لو بثوبك تلبسيني
……….. ثم ودي لو اكون بوسط دمّك
 
وان حلا لك تشربيني إشربيني
………. سوّي فيني أي شي ومايهمّك
 
اذبحيني , ذوّبيني , احرقيني
………. وانا من زود الغلا ودي أسمّك
 
ليت قلبي فيك وقلبك دفيني
…………. يستريحك عطلتن ثم يستجمكّ
 
من تجين بهاليسار وهي يميني
…………. ريتني ظلّك وطول الوقت يمّك
 
وان شبعتي ثم قلتي ماتبيني
………….. نزّليني منزلة خالك وعمّك
 
يعني فضلاً لو سمحتي افهميني
……………. يرحم الله بيّك ويرحم لك امّك
 
كيف افسّر لك محبة تحتويني
…………… ودي أبدا أنثرك وارجع ألمّك
 
يوم احبك مادريت بلايميني
……………. بمدحك لو هالبشر تبتلْ تذمّك