كشفتك !!

كشفتك ياحبيبي لاتقول انك معي وافي
 
وتفرح في حضوري وانت مع غيري بعد تفرح
 
8888
تردد لي كلام الحب وانك جيتني حافي
 
وصدقتك وانا مدري بأنك في الهوا تمرح
 
8888
دخيلك إبعد ذيابك ولاتقرب من خرافي
 
يحب الذيب هالخرفان ولااستفرد بها يذبح !
 
8888
عطيتك من صفا الخاطر وقلت اللي معي صافي
 
واثرك ضاحك بعقلي (عسى ياعل ماتربح!)
 
8888
من اول قلت هذا الحب احس النور به طافي
 
وقلبي ماتهنا به ويمكن حالتي تشرح
 
8888
(أحبك) ماش , تنطقها بلا ألوان , شفافي
 
تقول أني وحيدك وانت في الأسواق تتصرمح
 
8888
كلامك ماخذن عقلي وانا مدري وش الخافي
 
ممثل بارع ويشهد لك الجمهور والمسرح
 
8888
وحتى دمعتك تنزل مع الكذبات ذرّافي
 
وصارت هيّنة بعد المحبة تبتدي وتجرح
 
8888
كشفتك , ما أظن يشفي غليلي كل الأوصافي
 
إلين ألقى (بيان المصدر المسئول) بك صرّح
 
8888
وأفرح لو يقولون أقدم المدعو وإنصافي
 
على ساحة محبتنا يصير القص والمشرح !!
 
8888
وفوق المجرم يخطّون لوحة من ذهب صافي
 
ونكتب قصته عبرة بخطن كامل موضّح
 
8888
(جزا من دس في حب الخلايق سم مزعافي
 
على حبل المشانق ينعدم والراس يتمرجح !