مساجلات بيني وبين بنت النشاما

لـ عبيد القلادي، ، في الانشاد والشيلات، آخر تحديث

مساجلات بيني وبين بنت النشاما - عبيد القلادي

:::::::::::::::::::::::
((((بنت النشاما))))

اناتراني بنت عن عشرة رحال
وبنت النشامى ماتخون الوصيه

ماكل من يلبس له شماغ وعقال
قالوا عنه رجال مافيه زيه

بعض الرجال النواع بالطيب واشكال
واكرمهم الي صان حق البنيه

باعطيك سرً تنظرب فيه الأمثال
ان ماعرفت الحر حطه شويه

هذي بيوتي جاريه عبر الأرسال
عطني جوابك تنتظرك الثنيه

::::::::::::::::::::
((((عبيد دعيع))))

جتني بيوتً مرسله عبر جوال
أبيات شعرً والنوايا خفيه

بنت النشامى بالشعر تضرب أمثال
متساويً طيب الرجل والبنيه

مابه مقارن بين حرمه ورجال
الفرق واضح دامت الشمس حيه

حنا حماة الدين يابنت الأبطال
حنا مقابس الوغاء يالغضيه

ليادق طبل الحرب في حامي الال
كلاً يابي بالروح يفدا خويه

دون الوطن وحمايتك دمناسال
والرواحناللموت تجلب هديه

بنت الوطن عن واهج القيض بظلال
ماسال كحل العين في ظل فيه

تبقا لنا بالبيت وتربي أطفال
مصيونةًبالبيت ويضامحميه

حياتنامن غيركن مالهافال
مااذمكن بالقول نفسي بريه

وقت الرخاء لعل يفدونكي انذال
تسوين من بعض الرجاجيل ميه

وختامهاحنا صناديد الأبطال
صلوا على المختار صبح وعشيه

::::::::::::::::::::::::
((((( بنت النشاما)))))

ياصاحب الجوال خطك قريناه
وبنت النشامى ماتحب الميوله

افعولنا بالقوم والخيل شفناه
جدي حفظنا سيرته من افعوله

وان كانها بالطيب حنا ورثناه
ملكت كل الطيب عرضه وطوله

حتى المكان الي ورا الشط زرناه
وترى الشجاعه نعتبرهاسيوله

::::::::::::::::::::::::::::::
((((( عبيد دعيع القلادي)))))

قال الرشيدي من بني عبس مجناه
كل العلوم مقيده ومعقوله

الطيب يابنت النشامى وسمناه
وسمً البوي وسم كل الحموله

بشت الفخر بالطيب حنا لبسناه
ولا الردا يابنت ماني بحوله

وقت الجهل يابنت راح وتركناه
قتل البري يابنت مابه بطوله

العلم نور وشرع ربي عرفناه
وكلً على ماقيل قيد ذلوله

::::::::::::؛؛؛؛:::؛؛؛؛؛::::
((((((بنت النشامى))))))

هذي حقيقه واضحه ماهي بزور
وكل الحقايق واضحه ومعروفه

اعلن كلامه بين لجنه وجمهور
وحقق مناته ماحسب كل خوفه

وقت الدراسه نرسم بخط طبشور
وكل الحقايق واضحه ومعروفه

::::::::::::::::::::؛؛؛::::::::
((((( عبيد دعيع القلادي)))))

مدام نفسك بالخطا صابهاغرور
اكيد مانتي من النشامى معروفه

بنت الرسائل صارت عيونها عور
الحق واضح مير عيت تشوفه

ابأنصحك يابنت والفعل مخبور
مدام شعرك هابطاتن حروفه

الحر يشهر ماكره عالي القور
والبوم بوم وبيناتً وصوفه

يابنت يابنت الرسائل لكي شور
بعضً من الاوقات ماهي مخلوفه

:::::::::::::::::::::::::::
((((((بنت النشامى))))))

سألت شايب نجد عن كل ماصار
وجاوبني بكل العلوم الصحيحه

قال الحقيقه واضحه وزمن دار
وسنينهم يابنت صارت شحيحه

اقفت ركايبهم مع ارجال وصغار
صوب الديار الممطره والفسيحه

حتى فعول الطيب نشرة بالأخبار
وأفعالهم بالضيف دايم فليحه

قال الشجاعه ضدها ناسً كثار
تجمعوا والكل تسمع فحيحه

وتفرقوا بعد الغزو قبل الأسحار
وكلاً على ماقيل ينقل جريحه

أستغرب الشايب وهوشبه محتار
وقال الزمن هذا علومه شحيحه

((((((عبيد دعيع )))))
::::::::::::::::::::::::::

حنابدو يابنت مع حسك الأوبار
نتبع البراق الحياء في مطيحه

الدار نحميها على قب المهار
والمعتدي بيض العذارى تصيحه

وندرا خوي الدرب ونقدر الجار
والضيف ماجوبه علينا ذبيحه

صحيح منا من قطع زرق الأبحار
وكل القبائل مثلنا يامليحه

نصف لقبائل بدلت دار في دار
يوم المراعي بالجزيره شحيحه

البعض منهم يم بغداد ويسار
والبعض منهم وسط كسلا مريحه

العلم وصلك وتركي نظم الاشعار
بكثر الرسائل تحرقين الشريحه

© 2024 - موقع الشعر