يالموت لك هيبه لرشيد الزلامي

يقول رشيد الزلامي
يالموت لك هيبه تِهِزّ السلاطين

ولك حزّةٍ ماتدري الناس عنها
ولك ضربةٍ تقطع حبال الشرايين

ولك طعنةٍ ماغيرك اللي طعنها
ولك سطوةٍ فالهند والسند والصين

والغرب وِبشام الديار ويمنها
ولك صدمة تَفْجع قلوب المحبين

ولك خَطْفةٍ ماينفع الحرص منها
هذا انت بس المشكله عنك لاهين

نَرْكض ورى دنياً رخيصٍ ثمنها
ويالله يارب العباد المصلّين

اللي يديها بالصدر تِحْتِضنْها
رحماك لامِنْ حافنا نازح البين

والروح مِنْ بين الحنايا مِكَنْها
أنت الرجا والعبد مخلوق مسكين

والموت ساعة حق لابد منها
حسن عامر

قال الزلامي له بيوتٍ مضامين
ابيات شعر بالقوافي وزنها

لوغاب عنّا الموت لابد له حين
ساعة حضور الموت يأتي زمنها

والله لو نجمع ألوف وملايين
ونلبس بشوتٍ غالياتٍ خبنها

لابد من يومٍ نوسّد من الطين
ونسكن قبورٍ قبلنا من سكنها

من طاع نفسه والهوى والشياطين
نفسه على التفريط يكثر حزنها

يالله اذا التف القدم واشخص العين
ترحم نفوسٍ لبّسوها كفنها

ويالله ياسامع لصوت الملبين
يامن له الحجاج تترك وطنها

تفتح لنا في ماقف الضيق بابين
اذا اقبلت ليّام تجري فتنها