مواجع

لـ ماجد بن مهنا، ، في غير مُحدد

مواجع - ماجد بن مهنا

عيني من الضيق وكْبار الفواجع
كم وانا اغط المدامع وآآخفتها

قبل اسجْ الرجل والعالم هواجع
خوف لا تظهر على الناس ألهفتها

آآآه لو كفّت عن السجع السواجع
ما بقىبي غير عبرة واشعفتها

فتّحت كتب , وملفات , ومراجع
من حديث الذاكرة ما ألفتها

ف الصدر هذا تباريح ومواجع
لو سرت في صدور خلق الله كفتها

كنت احسّب ان الصبر هيّن وناجع
لين قفّت عنّي وروحي قفتها

( شيخةٍ ) على المحبين اتشاجع
ماتقدر جاهة الوصل ان لفتها

تاخذ الالباب وتقض المضاجع
حمّلتْ نفسي كثيّر وكلفتها

لا متى بكذب على قلبي واراجع
والله ان تبطي بقلبي سالفتها

© 2024 - موقع الشعر