حقوق المرأة ؟!

لـ فيصل الجابري، ، في الانشاد والشيلات، آخر تحديث

حقوق المرأة ؟! - فيصل الجابري

كانوا يقولون الحقوق
والمرأة تبغى حقوقها

خذتها مع كل الفروق
وطاقها ومطبوقها

وصار الرجل فعلاً ذروق
ينطق لنا بمنطوقها

كلمتها بالتأكيد فوق
ولا يجي من فوقها

يلعب على كل الطروق
لكن حدود اطروقها

مسكين ما يقدر يفوق
خايف تفكّ اشدوقها

باقي تسوّيله ربوق
وتربّطه بربوقها

ما أدري لو بكره تسوق
منهو يخيط فتوقها ؟

ولو يبغى يسترجع حقوق
تحلف قسم ما يذوقها

ولا يقدر يسافر يروق
تعوقه وهو ما يعوقها

ويخاف لو سافر ببوق
يبوق بس ما يبوقها

لازم تخاويه أم طوق
تختار دولة تشوقها

من سوق ينقلها لسوق
يجري يشيل علوقها

مع زوجته دايم خلوق
وأمه طبيعي عقوقها

وبالمختصر وبكل ذوق
يا ساقته يا يسوقها

© 2024 - موقع الشعر