بيتين

حلو الصلح بعد الزعل ما بين اثنين
مثل ليل مسى ينطر صبح يغرد له

ولو ما الهجر ما بقينا نعد سنين
وسنين البعد عقب اللقى تحله

وان ما جاك الي تريد لا بد يجي بعدين
موج البحر وش ما على مرده لساحله

لا تجلس تتحرى الين الحين
توه الحين ما بدى ما حاجه تعجله

حبيبك لا غاب اتركه يومين
وثالث يوم ورابع وخامس زد اله

وبعد المزيد حاول تتصل مرتين
ان ما جاب- حان وقت المرحلة

الي فيها تعيد حسبة حسابين
وتصحح غلطك يوم اغليت للي ما غله

انت غالي والغالي ربة الغاليين
لا جا يعتذر لا ترده- قل له هله

وحي به ترحيب وخل مجلسك يزين
هذا واجب لزوم بحكم المرجلة

واعطه منك من الشعر بيتين
وعلمه من الحكم ما يمكن تقول له

قل له الشين ما هو غصب صار شين
لكن غلب على زينه طباع الجاهلة

والزين زين كلما مضى بقى زين
وانا الزين الي ما عرفت تكون اله

واحترس لا تكر ما جرى كرتين
خلك عقل ما تشغله هالمسألة