نصف دستـــــت حــــــــزن

تعطرت بالريح في يوم لقياك"
" خبله تحسب الريح يقطع عطبها

توغدنت بثيابها تب تنشاك "
"ياليتها ماجات تجني رطبها

يوم طمرت من قنطرتها على ذاك "
"وزلّت قدمها من عذابٍ جذبها

صرخ أخوها ريم ؟ وش جاك وش جاك ؟"
" كحّل بياضه بالسواد وسكبها

أشتالها ودموعها تطلب رضاك "
" بس تّحدّر عن كتوفٍ رهبها

قو الحزن والحيره وشيء يخفاك "
" وأسرار ليل ونغمة أمي سببها

طشّ الفراش ! وظمّها ريم وش جاك ؟"
"تكفين قولي قبل أولّع حطبها

ياريم قولي منهو اليوم بكاك "
" منهو دخيلك بس أبعرف سببها

جلّ اللذي فرّق عن البيض ماطاك "
" هو الوحيد اللي قذفك بلهبها

ودّي أخمّن جعل رأسي فداياك "
" وودّي أكفف دمعتك عن هدبها

لالا.. بقول .. أصبر عسى الريم تفداك "
" لالا.. مأحب الظلم نفسي سلبها

يومٍ طلعت وبشّرتني بفرقاك "
" قلت أتزوّد من مويهة عربها

وزلّت قدم وأنخفست بطين ممشاك "
" وجاها عدوٍ جدّع أروع كتبها

مالله كتب شوفك على مر الأفلاك "
" يوم الحياة بصمتها تقتنبها