ياسلامى سلام السلم من مسلم سليم السراير والنوايا - حسن عامر

حسن عامر
ياسلامى سلام السلم من مسلم سليم السراير والنوايا

والتحدى على نسف الهدف فوق البحر تحت البحر من يجيبيه
الجنوبى بعد عود من الغيبه يحوف الكتايب والسرايا

ياوجودى وجود الذيب طاوى له ثلاث ايام ماجاء نصيبه
الهازني

ياهلاء مرحبابك والبقاعدما سار سيّار المطايا
بالجنوبي بعد عودته يالعله كسب في مغيبه كسيبه

هات علمك وعلمك لعله سمين وثمين مناسب يناسب معايا
وش غدا وشغدالك توجد عسى ماجراء يالجنوبي مصيبه

حسن عامر
اوزن الدرب يارجال لاتصغى لبعض السوالف والحكايا

والاشاره براس الرايع والليل البهيم اظلم ولاينسريبه
غيبتي يالخوى فى طاعة الله مامشى رجلى بدرب الدنايا

من جبال القهر لين الحشر مانى مغادر مملكتنا الحبيبه
الهازني

ياعميلي عميلك يعرف الدروب السليمه ويعرف طريق الخطايا
حاسبٍ طال عمرك حساب البعيده وحاسب حساب القريبه

كان غيبتك في طاعة الله جزاها المثوبه جزاها هدايا
مير قلي بوقتٍ مضاء ليه تعمل كذا غائب عنك وسمه معك تدعيبه

حسن عامر
دام راسك برى وش لك من اللى يحبكون الدسائس والخبايا

والله انى جنوبي من جنوب ارض الوطن وأهل الأصول الوافيه و العريبه
والثياب الرديه ماتجمل ولا تستر ولا تخفى الجسوم العرايا

وان بنينا البيوت العصم قربنا الحيود القاسيه تو الحيود الصليبه
الهازني

دام راسي يشم الهوى ماحسبنا حساب الخبا والغبا والخفايا
ولا لحقناك بقصور ياصاحبي وانت طيب وكلٍ بذكره يطرا بطيبه

والبيوت الرديه فلاالي بها وانت مالك بها لاتوصي حريص بليا وصايا
وان بنيت البيوت الثمينه بنينا ثمينه بعال الرقيبه

حسن عامر
بعد عدى سهيل ومر نجم السويبع ماعلينا رزايا

وانت يالهازنى تعرف دروب القافله لكن درب الصعب ما ينمشيبه
لارسمت المثلث والدوائر قيس قطر الدوائر والزوايا

وانت رجال تعرف من عوارف من هوازن من قبيلة عتيبه
الهازني

بعد عداء سهيل انت عارف مع العارفين الثميله وعد الروايا
والقوافل لها قايدن قادها ياعميلي قداء وهي تعتزيبه

لارسمت المثلث تحل المثلث وحجمه وتعرف حدوده وكل النحايا
ومد شوفك وناضر مدام انت قاري حروف الهجاء يالجنوبي عجيبه

حسن عامر
السمينه سمينه والهزيله ماتعد ولا تضحى فى نهار الضحايا

والقوافل على ميناء عدن وقت الشتاء والصيف تمضى من ضواحى القليبه
والتمر فى عذوق النخل وافر والعسل والنحل جوف الخلايا

ياخبير المثل لاجيت من هداج تيماء لد عينك لاتعدى قليبه
الهازني

ياحليل الجنوبي علومه عجيبه كل ماقلت نبغا جديده يجيب القديمه حجايا
والقوافل تعدتكم اقفاي واقبال بمر العرب ياعريبه

والتمر في عذوق النخل فالحساء يالجنوبي بذيك الدير والودايا
وانت فاعلى جبال القهر ويش فيها ظهر من ثمر ياعساها عشيبه

حسن عامر
عندنا فى جبال القهر تلقى الخير والبن اليمانى والسيوف الحنايا

والفواكه وطلع الرزاقى والموز ولكادى وذيب الليل توحى قنيبه
حجة الزور يارجال ماتوفى ولا تعتبر ضمن الدلائل و الدعايا

مانت مجبور لا حار القدم بالسير مابين صنعاء والخريبه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر