محاورة قلطه محمد عيضه وعيسى المحبي

محمد بن عيضه:
سلام مثل المطر عقب المحل والسنين

الارض تستقبله والريح تستدبره
يعشب منه كل قلب وتهتني كل عين

وا لنا س بعده تفيق وربها تشكره
.........

عيسى المحبي:
يا مرحبا وأثني الترحيب حتى يلين

ترحيب فالمنتدى وفي البلد ننشره
أقلط على طيبة ا لخا طرو سمن وسمين

والشاذ ليه ودهن العود والمبخره
......

محمد عيضه:
الله يبقيك يابن العالم الاكرمين

كريم يكرم كريم وبالوفا يغمره
اذا لقينا كماك فكل علم يزين

دام الرجل منطقه ينساق من مخبره
.........

عيسى المحبي:
عساك سالم ومن يحضر هنا سالمين

وعسى نهارك سعيد وليلتك مقمره
وأنا في الخط متمشي وما سك يمين

لاني بمسرع ولا ني ماشي(ن) بأيسره
.........

محمد عيضه:
ان كان جمهور الاتي زاد والمعجبين

بطولة العالم اكثر من مجردكره
ياليتهم يامهلهل ريحوا المسلمين

من لعبة الاحتكار وقيمة التذكره
........

عيسى المحبي:
جمهور الأتي بلعب الفن مستمتعين

وطبع الفريق المثالي يكسب الجمهره
هذا زمان إحترا ف ولعبة الشاطرين

وهذا التنافس وذا مايكسبه يخسره
.......

محمد عيضه
متفاعل فاعلن والناس متفاعلين

ماشوف حمزه ولاخالد ولاحيدره
اللي يسجل هدف..مادك حصن حصين

ماذلنا الاحياة اللهو والغشمره
.........

عيسى المحبي:
لا كنت مهزوم لا تحقد على الفائزين

من حقق انجاز بارك له ولاتحقره
من يستغل الفرص ما لامه اللا ئمين

واللي يسجل هد ف غير الذي يهدره
.......

محمد عيضه:
مانيب حاقد ولكن ماانكر اني حزين

تفكير ذا الجيل ينسى الموت والمقبره
مايخلق الله من تحت السمالاعبين

عوّد لدرب الرشاد وربك استغفره
........

عيسى المحبي:
أستفغر الله لو ماني من المذنبين

ولو كان مانيب مخطي بأطلب المعذره
بكره تجيك العلوم وكل خافي يبين

أما يعم السلام أ و تحصل المجزره
.........

محمدعيضه:
لسان متعوّد الزلات طبّه هوين

يلزم له البحر كله ياخذه غرغره
القصد يهدا الغوي ويقدرالمستحين

وان ماخذ الاوله فسيونا مشهره
..........

عيسى المحبي:
عندي علاج المريض وحل للمعتد ين

إن كنت دكتور فأنا رئيس الد كتره
مانيب غاوي وراجع كلمتك يا فطين

واللي لسانه حصانه مانوى الثرثره
.........

محمد عيضه:
وش قصة اللي هدروالحين هدره حنين

شكله من البارحه وايده على منحره
تقول واحد غلط في حق جد الحسين

ماهوب يامن الينه يطلب المعذره
.........

عيسى المحبي:
سمحان يهدر على معنى وضلعه متين

كب الذي ما يدور الا على المعصره
ماكنت بكويك لكن شكلنا مجبرين

وان ماتشافيت فالميسم على المجمره
.......

محمد عيضه:
وش فايدة جعجعه ماريت منها طحين

وش فيدة الرعد مابه غيمة ممطره
قابلت في الصبح واحدبالعرب مستهين

يقول بك باتعشّا والغدا بظهره
...........

عيسى المحبي:
في د ين الإ سلا م من يسرق تقص اليدين

يا السارق الناكر المعروف وأ نا أ ستره
الناس صا حين وأنت تظنهم را قدين

لابارك الله في حبل ا لشقاء ماأقصره
..........

محمد عيضه:
بطّيخ+تمر هندي يساوي:عجين

هذي ردودك وهي بالجد مومسخره
ان كنت معسور فالقيفان خذني عوين

الله يقول انظروا المعسور الى ميسره
.........

عيسى المحبي:
يانازل المعركه بجنود متفرقين

الجيش يمشي بخطة قائد(ن) يامره
يا كم لي أضربك يالمسكين يالمستكين

والضرب في ظهر ميت ديننا ينكره