إن شفت واحد ايتحسّس ؟!

إن شفت واحد ايتحسّس ابتعد عنّه بعيد
لا تقولّه ذا خطأ ولا تقولّه ذا صواب

إن مدحته قال ليه اش يبي مني ويريد
وإن شرحت اشهو خطاه كال أنواع السباب

خلها حدود السلام لا تزيد ولا يزيد
إن زادت أكثر من سلام انفتح للشرّ باب

إن عطيته فرصته لازم إنه لك يكيد
يحوّل أي كلمة عليه ويتلوّى مثل داب

توقّع الإحراج لو قال سبّه أو وعيد
لأنه يتصيّد خَطاك يحدّ في ضرس(ن) وناب

يحرجك غصباً تقوم ترد بالضرب الشديد
والله يعلم بعْدها وش يطير من الرقاب

لكن أحسن ابتعد من البداية لو تريد
وأهمله إن كان جاء وأحمد الله إن كان غاب

قبلنا قالوا عن الشرّ روحوا من بعيد
وغنّوا أغاني طلال وابن عبده أو عتاب