العين تشكي من هبال تشوفه - سعود الفطيماني

العين تشكي من هبال تشوفه
والاذن صقهت من كلام المهابيل

والشعر مات من القهر والحسوفه
عسى على قبره حقوق المخاييل

شاعر كذا لو سامجات" حروفه
لازم على الشاشه يرد المواويل

يومي بيديه ثم يحنث حلوفه
إنه وفي وهو في يديه المحابيل

وبه شاعر يشكي لأنس" ظروفه
والله ولي عبد" شكى تال الليل

ولي شرهة" لمنهو يصفق كفوفه
ليه التطفف طاغي" فالمكاييل

حق" على الجمهور يقطع صنوفه
يهمش مذاهبهم ويبدي لنا جيل

شعر" مثل ماض" عجيبه وصوفه
ينعش بها قلوب" لسمعه مغاليل

يجيبه الشاعر بليا كلوفه
من هاجس" عذب" جذيب" كما السيل

تراثنا بدر" تبين خسوفه
لولا الرجاء بصفوة خيار الرجاجيل

مواقف" تعرف وأسماء معروفه
شعار ماترضى على الشعر بالميل

ولو كان به منهو يداحم كتوفه
ومتقلد" درعه ومركوبه الخيل

ينظر له العارف بعين المروفه
ويجنه أجموع" تتابع مقابيل

أقول قولي وأتعمد وقوفه
وأخير منها ذكر ربي بتهليل

© 2024 - موقع الشعر