لا ليان أغصان بان النبات المايلات
قد قدك في ليانه وتمايله

ولا عيون الحر الأشقر ولاعيون المهاة
مثل حسن عيونك ولاهي بمثايله

يابعدكل الشعروالصور والامسيات
ومعجبين الشعر وشعوبه وقبايله

ما تعلمني عيونك وراها ساهرات
ووش بلاها كل برق يروح تخايله

يا بنية لا يهمك كلام الشايعات
ترى كلام الناس ياما هدم من عايله

شاعرك لا من تحرك تحرك في ثبات
ولا ثبت..ما مال ابد لو حظوظه مايله

مجلسه دله ومدخن وسجادة صلاة
تارك للغير غاياته و وسايله

متن الأرض إلي يشيل الجبال الراسيات
والله انه اخف من ثقل حمل شايله

والشتات الصدق لاقبل لك صدق الشتات
ليتك تشوفين وشلون به عما يله

ما عرفنا مع ردي الحظ وشلون السواة
هذا هو دايم ودا يم ذي فعايله

والله إني ما أتلذذ بتعذيب البنات
ولا تفرحني دموع العيون السايله

ولا أتعامل في حياتي بمبدأ خذ وهات
يوم ولد اللاش معتاش من تحايله

ولا أتنازل عن من اغلي وأحبه حب ذات
لو يوريني نجوم السما في القايله

بس لاقل احترامي وكثر الالتفات
يم غيري قلت يا دنيا بأهلها زايله

من سمع مرارة العذر من عذب الشفاة
ما عرف يستطعم القول والا قايله

ومن رضا بالذل وش عاد يبغى بالحياة
دون عز النفس ما فيه مجد طايله


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر