يالله يا من بامره الشر والخير

لـ حسن عامر، ، في غير مُحدد، آخر تحديث

يالله يا من بامره الشر والخير - حسن عامر

يالله من بامره الشر والخير
بيده يفك الباب ولا قفوله

يامن حفظ يوسف على جمة البير
واخرجت يونس من بحور مهوله

ياعالم بالغيب يارازق الطير
ارحم ضعيف طاح والموت حوله

والموت حق ان جاك مافيه تاخير
يجي على حينه وساعة وصوله

قالوا هبل يمشي دروب المخاطير
لوكان يمشي مع دروب السهوله

قادتني اقدامي بدربي وانا سير
وكم واحدن مثلي تقوده رجوله

والقادر الله مانقول المقادير
ياكم سبحنا البحر عرضه وطوله

وياكم عثرنا وجنبتنا المعاثير
وياكم جهلنا وكل نفس جهوله

وياكم مشينا في صفوف الطوابير
والرزق لو ماكتب لك ماتطوله

وياكم خسرنا ولاحسبنا المخاسير
وكلن على اهدافه يسير ذلوله

واعمارنا وايامنا في تدابير
والحق مايخفاك لو ماتقوله

© 2024 - موقع الشعر