مرحبا بالمراسيل: عيسى المحبي

لـ عيسى المحبي، ، في الغزل والوصف، 997، آخر تحديث

مرحبا بالمراسيل: عيسى المحبي - عيسى المحبي

أهلا وسهلا مرحبابالمراسيل
ترحيبنا مقرون بالوردوالفل

من عند أبوعبدالله أغلى الرجاجيل
جتني رساله بالبريدالمسجل

مجار ياللي تشكي الهم والويل
سلامتك من كثر مابك وماقل

العلم مايحتاج شرح وتفصيل
مثلك ذهين ويعرف الحل الأمثل

حل القضية في يدك مثل ماقيل
خذ صاحبك من ديرة الهم وأرحل

وأن كان مافي الجيب يحتاج تكميل
أبشربنا ماغير قل حاجتك قل

وأشكي على الله همي اللي برى الحيل
أحس نفسي ياأبن الأجواد مختل

ودموع عيني غرقن المناديل
حتى فراشي صاربالدمع مبتل

أسهر طوال الليل وأراقب سهيل
عزاه ياقلبي من القهروالغل

أنا زرعت ولا جنيت المحاصيل
وأن قلت بانسى قام قلبي تدخل

بيني وبينه ذكريات وتهاويل
حلوالكلام وصاحبي تلهاتل

© 2024 - موقع الشعر