ايه شارد ..!!

لـ فيصل الجابري، ، في الانشاد والشيلات، آخر تحديث

ايه شارد ..!! - فيصل الجابري

ايه شارد عن دروب الحب وأمشي من بعيد
شاردٍ عنها ولا أبغى حتى شوف دروبها

الهوى دروبه لعينة تحول السادة عبيد
ايه أبشرد من بعيد ولاني رايح صوبها

من يجي للنار تحرقله شرايين ووريد
ما يجي غير اللي ما يحسب حساب عقوبها

شايف الظبية استوت للسهم لكن ما أريد
خايف أرميها يصير خافقي معطوبها

خافقي دمٍ ولحم ماهو من صنع الحديد
ونفسي تخشى من ذنوب تزيد فوق ذنوبها

وقلبي ما يقوى يشوف الرسايل بالبريد
ينبهر لا شافها من حلات أسلوبها

وكيف لو قالت أحب أو عليها لو تزيد
وكيف لو قالت تراك انت بس محبوبها

شي طبيعي إني أتوه أو أجنّب أو أحيد
لكن أحسن أبتعد عن سلاح حروبها

لازم أبعد من بعيد حتى لو أبقى وحيد
نفسي تكفيها الذنوب ودوبها يا دوبها

© 2024 - موقع الشعر