ياشري وخيري - نجم الاسلمي

قالت مسا الخير ياشري وياخيري
يامجاهد الوقت لو ناب الدهر ضاري
قلي وش اخبارك اللي ماهي ل غيري
لايابعد من نشد عن طارف اخباري
قلت استشفي علومي من تعابيري
واقري تعابير وجهي داخل اشعاري
لايوجعك حزني ، ابتسمي ل تصويري
لك دمعة الكاتب اللي تطرب القاري
ب ارض الجلاده دفنت اوضح تقاريري
وب حرف شعري لمع برقً من اسراري
على دروب الكفاح اغلب مشاويري
بغيت درب الفلاح وطال مشواري
اضحك واغني علم سيري علم سيري
لو انها عيت القمرا على الساري
مابي سوالف هل النمات ! تقصيري
ولا جيت اطاول هل الطولات ! ب اشعاري
لاشك يافاتنه هذي مقاديري
لاتنشديني ليا ضاقت وش الطاري ؟
انا بلاي الوفا معهم ، وتفسيري
ل اكثر تخاذل ربوعي ب اطهر اعذاري
اعطيك من دم جوفي طير ياطيري !
يطير لكن يجي ب جحوده مباري
ماهوب طيبي معاه اكبر مخاسيري
والله ماموجعني الا تيهة انظاري
ياظني اسف وهاك اصدق معاذيري
الصدق والنية اللي قصده الباري
ولو كلمة الطيب ماتقوى ل تخديري
ماكنت في سوقهم بايع ولاشاري

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر