دام راسك سالمٍ يا ابن يالتهامي

دام راسك سالمٍ يا ابن يالتهامي
من جميع الناس والله ماعليّه

تاج راسي مسندي درعي حزامي
يا خويٍّ يفخر بطيبه خويّه

ان بغيت أمدحك ما أقنعني كلامي
لو قصيدي معجبٍ كل البريّه

والله انك فوق حد المدح زامي
وانك أبعد من عقول العبقريّه

معتل(ن) بالطيب من فوق الغمامي
وبالتواضع كاسبٍ لك مقدريّه

عز من يزبنك ياذخر الكرامي
والله انه في ذرىً دافي وفيّه

طبت يامتعب وتعّبت الاسامي
بالرجوله والوصوف الحاتميه

ومن حصل له رميةٍ من غير رامي
لا يقرّبها الحرار الصيرميّه

تقصر الغربان عن فعل القطامي
قاصره لو كان فيها عنصريّه

الشاعر/يوسف العضياني