راعي الوفاء

ويننت ياللي صحبتك ماتشوه
وتطيب لي بار النديم بنديمه

ومن يقصدك في الضيق يلقاك توه
وتزبنه لو هو علی اكبر جريمه

ضلعن ملاذ من اسفله لي علووه
صادق فعوول وفي االشدايد صتيمه

ازريت من وجهن يباري لغوه
وكثروا علينا موقدين الضريمه

كل احمقن بالخبث قلبه ينووه
فيه المكارم والمراجل عديمه

ومن لا يميز صاحبه من عدووه
عايش وسط دنياه مثل البهيمه

ومن جامل المخطي وراعی لجوه
ورضی علی نفسه هوان وهزيمه

لا فيه لا خير ولا به مرووه
ولا عاد ياتي له مع الناس قيمه

ومن ينكر المعروف كثره وشووه
ويجحد فعول الطيب ما فيه شيمه

ما له مع الواافين رفقه وخووه
عز الله ان فرقاااه ربح وغنيمه

ومن هو علی شتم الخلااايق مفوه
في مجلسه تلقی الردی والنميمه

جعله لوااطي القااع يحذف بقوه
وتصبح عظاامه كلبووها هشيمه

والطيب طبع اللي ما قد شيف سووه
كل ااصوكن بالطيب نفسه كريمه

من هو بوجه الضيف تشتب ضوه
في مجلسه تلقی النشاما مقيمه

وتلقی المكاارم عند حضرة سموه
نفسه علی كسب المراجل مهيمه

الله لا يقطع لاجواد خوه
وتبقی علاقتهم علاقه حميمه

وصلاة ربي عد ما هل نوه
علی الرسول اللي رضع من حليمه...