ما غير أبلّغك يوم انك ولد عمّي

يا فيصل الدلبحي يا شامخ الهامه
خل الرتب والمناصب وإلتفت يمّي

ماجيتك أشكي الظروف ولا أشكي الظامه
ما غير أبلّغك يوم إنك ولد عمّي

انا ليامن كل ٍ رد لحزامه
أحط واجد من العربان في كمّي

وراي روس ٍ تزبّن نجد وتهامه
ما شلت هم الخصوم ولا أحرقو دمّي

روس ٍ تساوي جبين الخصم بأقدامه
و إن قلت أبا شي قالو تم ثم تمّي

اللاش عانه بعدنا ركّز اعلامه
ولسان حاله يقول إني و لا همّي

حنا دهاة المواجه علّم اقزامه
و الي يبا يوتلينا ما بعد سُمّي

أما إلتفت له بساع و جوّد خزامه
والا أنت جنّب وقلي فيه ابا اسمّي

والله لأسوقه بشي ٍ يقطع عرامه
وإني لأخليه تحتك كنه الذمّي

----