انا اليوم

انا اليوم هذا كنت اسولف معا رجال
عسى الله رب البيت بالخير لا يجزيه
 
يحاول يشوّه ما سمعته عن الابطال
ويدرج على شيءٍ من البارحة يبغيه
 
وانا مستحيل آصدّق الكاذب الدجّال
وراعي الوفاوالطيب ماني بسامع فيه
 
وطبع الردي لو قال شيءٍ مهو ينقال
يموت مغبون ويندفن ساقته طاريه
 
مدام الثقة قيد العمل والوفا لا زال
على الهون ياللي همك الذم والتشويه
 
ومن ذي سواته ما يزعزع علينا جال
و لا غيّر الواقع ولا ظنّتي يمديه
 
وانا في ضميري شي كنّه على ما قال
احشْم النشامى والمطنّخ ولااسوّيه
 
وهذا كلامن صدق تضرب به الامثال
واذا صار به شيءٍ خطا بلّغو راعيه