العشق وجنونه

لـ يوسف السناح، ، في غير مُحدد، آخر تحديث

العشق وجنونه - يوسف السناح

اللي خذاني بحبه من صغر سني
ان قلت ابنساه كيف اعيش واخونه

حاولت اكافح سنيني واخلفت ظني
وبنيت بيت الوصال وطاحت اركونه

مدري من ظروفه اللي ماتمكني
والا من اللي على الفرقا يحدونه

ودامه عيوني ودامه قطعتن مني
وشلون يرضون مسلم يفقد عيونه

العالم اللي تجر الصوت وتغني
وتلعب على صوت فرقا الحب ولحونه

ياهل المحبه وردو علمها عني
الكلمه اللي بوسط الصدر مكنونه

ان طال هجره ماعاد الصبر مستني
عن كسر حاجز ستار العشق وجنونه

وان مت لجله عساي اموت متهني
والموت موت الغبن لاعشت من دونه

© 2024 - موقع الشعر