بنت الحميدي - اداء حسن بن وعله

لـ عايض العتيبي، ، في الانشاد والشيلات، 2،454، آخر تحديث

بنت الحميدي - اداء حسن بن وعله - عايض العتيبي

ياللي تقول ان السبب من يميني
يمناي حدتني لدرب التهاليك

حطيت فيني شي ماهوب فيني
بالظلم عذرك رد شرهة محاكي

وانته بليا عذر عذرك سميني
الله يطول عمرك لعين ترجيك

يا روح ماما انت وينك وويني
ارتاح يامسكين واقضب اراضيك

ماكنت ذخري في رخايه وليني
وشلون في وقت القسا بنتخي فيك

ماقد حسبتك لي جنبن متيني
ولا اذكر اني جبت بالضيق طاريق

سدتني بماقفك عزوة رديني
ابسط فعل منها عنه تقصر ايديك

شاشت ومعها شاشو الطيبيني
ذبو عمايمهم وقالوا يالبيك

شيوخ فعلن من قديم السنيني
شوفة حداهم امنيه من امانيك

افعالهم تفخر بها الامتيني
وانقلترا تروي قصصهم على السيك

لو جيتهم ما تنطق بكلمتيني
هيبتهم تحول بعاليك واطيك

عليك ابعد من سما الفرقديني
والمستحيل اتصاحبك او تعاديك

لكن وصل علمي ال شامتيني
جماعتك واعيال عمك عوانيك

عن الردى تكرم .. وتحشم يديني
ما دنّست في وحل هذي ولا ذيك

مرفوع راسي والعرب خابريني
وانت تخبر فعلي ولا هو بخافيك

ولا هو غريب الظلم يا ظالميني
يا جعل ربي في ظلايمك يجزيك

لكن قبل انهي معي كلمتيني
لو تزعلك ماني براجي ومرضيك

ما والله ارجي الا رضى والديني
عبدن لهم وامي وابوي المماليك

وخل الكلام يكون بينك وبيني
احذر يمر لمسمع اعداك تذيك

لا تعتذر بالظلم والظلم شيني
وعلى العذر مالله تعالى بحاديك

عاذرك كل انسان عقله رزيني
معذور لا تحرجك شرهة محاكيك

ابك انت عذرك لا طرى اسمك يبيني
م انت بكفو لمعقدات الشرابيك

صحيح ما يبقى ورى الجمرتيني
الا رماد ولا بهالقول تشكيك

مير اقضب ارضك واسترح واستكيني
بنت الحميدي عن مواقفك تكفيك

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر