وسميه

وسميه من رايحات الهماليل
يالله طليتك مزنة مستهله

يمطر علينا والديش في المقائيل
عساه ينشي يوم جا وقت حله

وشمال إلى تبوك سيل على سيل
نجران حده من جنوب لعله

والسبع الأخرى ذي وجيهه مقاييل
لازل سبع شافه اللي فطن له

يشبع دبشنا في المدمث والمساييل
مع مثلهن تلاحق العشب كله

فيها الزبيدي مثل روس المطافيل
ويازين خطوى فيضه مستطله

ويشطرون البيت من جرت السيل
منزا لها يبري من الكبد عله

وحذف الشماغ وشب ضوا المعاميل
ياما حلى مبناه من عقب فله

وما بينهم يازين سوف الفناجيل
في مجلس من جاه ما هو يمله

لاجا عليها مثل وصف الازاويل
ويا زين شوف الابل بقفر مظله

دوه لها الراعي وجنه جواديل
كلا نده ذوده وذوده هدن له

ويظهر اللي عاد فيها من الحيل
هدرت فحلها لا هدف عادتله

زل الهجال وراح صوب المشاميل
لاجا العشاء ثور من الذود جله

ثم نزله بين الربوع المشاكيل
وملا القدر منها وجابه يشله

ودمعي على الابل فوق خدي هواشيل
قلبي يحب الابل وكبدي مغله

ما ودك انه يعترض لتماثيل
والشاعر اللي ما للسانه يدله

وعلى النبي صليت فرضي وتنافيل
وما قل دل وبذكر الله ارضى له